فى البداية من زمان وأنا بكتب اللّى بحس بيه وبيجاى فى بالى و بسميها خواطر، وبيتهلى إني شاعر بس اللّى كاتبه قبل كده طبعا لا شعر ولا نثر حتى، لحد لمه أعقدت مع صديقي بيكتب شعر وأدنى فكرة أزاى أوزن الكلام وأزاى ابين صور الجمال، وحاولت فى الموضوع ده على أد ما أقدر ومش عارف برضه إن كان ده ينفع شعر ولا نثر ولا برضه خواطر فدى بقى الشعراء هم اللّى يحكموا، بس أنا قررت أنشره وأتمنى يعجبكم :)
لفيت وشوفت بنات كتير
مالهاش مثيل
لكن جمالكِ خلاني أسير
دأنا قلبي عمره ما كان بيميل
اتغير حالي بدون تفسير
***
على العود والناىّ
قلبي غنى موال
يوصف حلمي الجاىّ
يرسم صورتكِ من البال
لكن يرسمها ازاى
ومنين يجيله خيال
***
فاكر أول مرة اتقابلنا
لما عينك جت فى عينا
فاكر أول نظرة بينَّا
ملكت بيها الكون ف أيديا
لما شمسك غابت عنّا
بقيت مش عاوز الدنيا ديه
***
أنا قلبي كان خالي
ورافض التغيير
وفجأة اتشقلبت احوالي
من الحيرة والتفكير
ويااا من سهر الليالي
لما العقل يطير
حقوق النشر محفوظه هااااا :D
